केंद्रीय मंत्री अमित शहा यांच्या हस्ते ए. एम. नाईक शाळेचे उद्घाटन

केंद्रीय गृह आणि सहकार मंत्री अमित शाह यांच्या हस्ते सोमवारी पवई येथील ए. एम. नाईक शाळेचे उद्घाटन करण्यात आले. शाह यांच्यासमवेत उद्घाटन समारंभाला महाराष्ट्राचे माननीय मुख्यमंत्री एकनाथ शिंदे आणि माननीय उप मुख्यमंत्री देवेंद्र फडणवीस
उपस्थित होते.

मंत्र्यांचे स्वागत करताना शाळेचे संस्थापक श्री. नाईक म्हणाले की, “शाळेची स्थापना प्रामुख्याने मानवी मूल्यांची जोपासना करण्यासाठी आणि नवीन पिढीमध्ये राष्ट्रीय अभिमान जागृत करण्यासाठी करण्यात आली आहे.”

ते पुढे म्हणाले: “आम्ही आमच्या मुलांना २१व्या शतकातील भारताचे प्रतिभावान, कर्तबगार आणि अभिमानास्पद नागरिक बनण्यासाठी सुसज्ज करू.  येथे मूल्यांचा आदर आणि वैयक्तिक जबाबदाऱ्यांच्या जाणिवेसह ज्ञानाचा शोध हातात हात घालून जाईल.”

पवईतील एल अँड टी कॅम्पसमध्ये स्थित ही शाळा प्रस्तावित आयसीएसई शाळा आहे. सुरुवातीच्या काळात नर्सरी ते इयत्ता ८वी पर्यंत वर्ग असून, येणाऱ्या काळात ग्रेड १२ (ISC) पर्यंत वाढवले जातील.

शाळेचा काळजीपूर्वक निवडलेला अभ्यासक्रम विद्यार्थ्यांना पारंपारिक व्याख्येच्या बाहेर नवीन शिकण्याचे अनुभव एक्सप्लोर करण्याचे स्वातंत्र्य देतो. येथे तंत्रज्ञान-सक्षम वर्गखोल्या, सुसज्ज प्रयोगशाळा, आर्टिफिशियल इंटेलिजन्स, ऑगमेंटेड रिअॅलिटी आणि व्हर्च्युअल रिअ‍ॅलिटी यासह नवीन युगातील कौशल्ये देण्यासाठी इनोव्हेशन लॅब, ६०० सीटर ऑडिटोरियम आणि इनडोअर बॅडमिंटन कोर्टसह क्रीडा सुविधा यांचा समावेश आहे.

, , , , , , , , , , , , , , , , , , , , , , , , , , , , , , , , , , , , , , , , ,

Comments are closed.

Powered by WordPress. Designed by WooThemes

error: Content is protected !!
%d bloggers like this: