जोगेश्वरी विक्रोळी लिंकरोडवर (जेवीएलआर) पवई प्लाझा येथे झालेल्या अपघातात कचऱ्याच्या ट्रकने एका महिलेला चिरडल्याच्या घटनेला २ दिवस झाले नसतील की सोमवार, १७ जानेवारीला याच मार्गावर झालेल्या अजून एक अपघातात ५५ वर्षीय पुरुषाला आपला जीव गमवावा लागला आहे. यासंदर्भात पवई पोलिसांनी गुन्हा नोंद करत हलगर्जीपणाने गाडी चालवून मृत्यूस कारणीभूत झाल्याबद्दल खाजगी बस चालक रामबाबू दास (३६) […]
पोलिसांनी दिलेल्या माहितीनुसार, मृत विद्यार्थ्यावर डिप्रेशनमुळे उपचार सुरू होते. आपल्या वसतिगृहाच्या खोलीतील फलकावर त्याने संदेश लिहला होता की, आपल्या मृत्यूसाठी कोणालाही जबाबदार धरू नये. आयआयटी बॉम्बेच्या २६ वर्षीय पदव्युत्तर विद्यार्थ्याने सोमवारी पहाटे ४.३० वाजता पवई कॅम्पसमधील त्याच्या वसतिगृहाच्या टेरेसवरून उडी मारून आत्महत्या केल्याची दुर्दैवी घटना घडली. दर्शन मालवीय असे मृत विद्यार्थ्याचे नाव असून, मास्टर्सच्या द्वितीय […]
पर्यटकांचे खास आकर्षण असणाऱ्या पवई तलावाची पाठीमागील काही वर्षात दुर्दशा होत चालली आहे. पवई तलावात सोडले जाणाऱ्या सांडपाण्यामुळे पाणी दूषित होवून तलावात जलपर्णी निर्माण झाल्या आहेत. तलावाच्या किनाऱ्यावरील सुशोभिकरण दुर्लक्षित झाल्याने नष्ट होण्याच्या मार्गावर आहे. पालिका आणि प्रशासन यांच्या दुर्लक्षामुळे पवई तलावाला हे दिवस भोगावे लागले आहेत. मात्र आता या संकटापासून तलावाला मुक्ती मिळणार असून, […]
शनिवारी एका कचऱ्याच्या ट्रकने जोगेश्वरी विक्रोळी लिंकरोडवरून (जेविएलआर) प्रवास करणाऱ्या एका महिला प्रवाशाला चिरडल्याची दुर्दैवी घटना पवईमध्ये घडली. महिला आपल्या मुलासोबत मोटारसायकलवरून प्रवास करत होती. या घटनेत महिलेचा मुलगा किरकोळ जखमी झाला असून, त्याच्यावर राजावाडी रुग्णालयात उपचार सुरु आहेत. पवई पोलिसांनी ट्रक चालक अलाउद्दीन सालौद्दिन शेख (२२) याला अटक केली आहे. या संदर्भात पवई पोलिसांनी […]
पवई पोलीस ठाण्याचे (Powai police station) वरिष्ठ पोलीस निरीक्षक (Senior Police Inspector) आबुराव सोनावणे यांची पदोन्नती झाल्यानंतर गेल्या महिनाभर रिक्त पवई पोलीस ठाण्याच्या वरिष्ठ पोलीस निरीक्षक पदी बुधन सावंत (SPI Budhan Sawant) यांची नियुक्ती करण्यात आली आहे. बुधवारी दुपारी त्यांनी आपला हा पदभार स्वीकारला. यापूर्वी साकीनाका पोलीस ठाणे (Sakinaka Police Station) येथे कार्यरत असल्याने परिसराची […]
पवई तलाव मुख्य गणेशघाटाजवळ एका कारला आग लागल्याची घटना शुक्रवारी रात्री ११.३० वाजता घडली. सुदैवाने या घटनेत कोणतीही जीवितहानी झाली नसून, घटनेत गाडीचे जळून मोठे नुकसान झाले आहे. टूअर्स अंड ट्राव्हल कंपनीसाठी काम करणारे राजेंद्रकुमार मेहतो हे नेहमी प्रमाणे आपल्या वेगेनॉर गाडीतून (क्रमांक एमएच ०४ जिडी ५१६७) प्रवासी घेवून जेवीएलआर मार्गे कांजूरच्या दिशेने जात होते. […]
पवईस्थित एका ५५ वर्षीय व्यावसायिकाची चीनस्थित कंपनीकडून व्यवसायासाठी सुटे भाग मागवण्याच्या बहाण्याने ३.३ लाख रुपयांची फसवणूक करण्यात आली आहे. तक्रारदाराने खात्यात पैसे पाठवल्यानंतरही जेव्हा त्याला शिपमेंट प्राप्त झाले नाही तेव्हा त्याने कंपनी आणि बँकेकडे तपासणी केली असता त्याला आपली फसवणूक झाल्याचे लक्षात आले. या प्रकरणी पवई पोलिस ठाण्यात फसवणूक आणि तोतयागिरीचा गुन्हा दाखल करण्यात आला […]
मुंबईतील पवईमध्ये रहावयास असणाऱ्या एका विद्यार्थ्याला सायबर चोरट्यांनी ४५,००० रुपयाला गंडवले आहे. सायबर चोरट्याने दिल्लीहून त्याचा मेहुणा बोलत असल्याचा दावा करत तक्रारदार यांना फसवले आहे. तक्रारदार राहुल अग्रवाल (२२) यांनी आपल्या पोलिस तक्रारीत म्हटले आहे की, फोन करणार्‍याचा आवाज त्यांच्या मेहुण्यासारखा नसल्यामुळे संशय आला होता, परंतु कॉलरने दावा केला की, त्याला कोरोनाचा संसर्ग झाला असून, […]
वादग्रस्त पवई सायकल ट्रॅक प्रकल्पाबाबत कार्यकर्त्यांनी आणि नागरिकांच्या गटांनी महापालिका आयुक्त इक्बाल चहल यांच्याकडे “सार्वजनिक सभे”बाबत तक्रार केली आहे. चहल यांना लिहिलेल्या पत्रात, रहिवाशांनी तक्रार केली आहे की ‘पवई तलावाचे पुनरुज्जीवन” या विषयावर २७ नोव्हेंबर रोजी बैठक आयोजित करण्यात आली होती परंतु केवळ काही रहिवासी आणि कार्यकर्त्यांना बोलावण्यात आले आणि अधिकारी त्यांच्या प्रश्नांना समाधानकारक उत्तरे […]
जोगेश्वरी विक्रोळी लिंकरोडवर (जेविएलआर) सुरु असणाऱ्या मेट्रो-६च्या कामाच्या नावाखाली बंद ठेवण्यात आलेल्या आयआयटी मार्केटजवळील सिग्नलमुळे स्थानिक नागरिकांना जीवावर उदार होत रस्ता क्रॉस करावा लागत आहे. यामुळे या परिसरात अपघाताची शक्यता वाढली असून, लोकांच्या जीव गेल्याशिवाय प्रशासनाला जाग येणार नाही का? असा संतप्त सवाल नागरिक करत आहेत. पाठीमागील काही महिन्यांपासून जोगेश्वरी विक्रोळी मार्गावरून जाणाऱ्या मेट्रो ६ […]
पवई, हिरानंदानी गार्डन्स येथील गलेरिया सर्कल म्हणजेच काला खंबा चौकाला भारतरत्न अटल बिहारी वाजपेयी यांचे नाव देण्यात आले आहे. खासदार मनोज कोटक यांच्या हस्ते हा नामकरण सोहळा पार पडला. यावेळी हिरानंदानी समूहाचे व्यवस्थापकीय संचालक निरंजन हिरानंदानी, सुदीप्तो लाहीरी, स्थानिक नगरसेविका वैशाली पाटील, नामनिर्देशित नगरसेवक श्रीनिवास त्रिपाठी, बिजेपी कार्यकर्ते आणि नागरिक उपस्थित होते. भारताचे माजी पंतप्रधान […]
प्रभावी पोलिसिंगसाठी आणि नागरी समस्या जाणून घेण्यासाठी २३ डिसेंबर रोजी पवई पोलीस ठाण्याच्या बीट क्रमांक ४ येथे मोहल्ला कमिटीची बैठक आयोजित करण्यात आली होती. परिमंडळ-१० पोलीस उपायुक्त महेश्वरी रेड्डी यांनी या बैठकीला संबोधित केले. प्रमुख सणांच्या काळात परिसरात शांतता राखण्यासाठी समित्यांच्या विशेष बैठका बोलावल्या जातात. बैठकीला परिमंडळ १०चे पोलीस उपायुक्त महेश्वर रेड्डी, प्रभारी वरिष्ठ पोलीस […]
जोगेश्वरी विक्रोळी लिंकरोडवर एका भाजीच्या टेम्पोने शिक्षिकेला उडवल्याची घटना आयआयटी मेनगेटजवळ घडली आहे. या संदर्भात पोलिसांनी भादवि कलम २७९, ३३८ नुसार गुन्हा नोंद करत टेम्पो चालक विजय यादव याला अटक केली आहे. या संदर्भात पवई पोलिसांनी दिलेल्या माहितीनुसार, तळोजा येथून भाजी भरून टेम्पो क्रमांक एमएच ४७ एएस ५०५१ हा पहाटे गोरेगाव येथे भाजी पोहचविण्यासाठी जात […]
महाराष्ट्र स्टेट अँग्लिंग असोसिएशन म्हणजेच मासा संस्थेतफे पवईत मासेमारी स्पर्धेचे आयोजन करण्यात आले आहे. २६ डिसेंबर रोजी सकाळी ८ ते संध्याकाळी ५ या दरम्यान पवई तलाव येथे ही स्पर्धा आयोजित करण्यात आली आहे. मेंटोर आली हुसेन यांच्या स्मरणार्थ आयोजित या फिशिंग चम्पिअनशिप २०२१ स्पर्धेत पहिले बक्षीस रोख रक्कम १०००१, दुसरे बक्षीस ५००१ तर तिसरे बक्षीस […]
हिरानंदानी भागातून लॅपटॉप चोरी करून पसार झालेल्या ५० वर्षीय चोरट्याला पवई पोलिसांनी बेड्या ठोकल्या आहेत. उमेश रतिलाल परमार असे अटक आरोपींचे नाव असून, तो कार चालक म्हणून काम करतो. पोलिसांनी आरोपीकडून चोरीचा लॅपटॉप हस्तगत केला आहे. भारतीय शसस्त्र सेनेत कॅप्टन म्हणून कार्यरत असणारे फिर्यादी अमित राय हे आपल्या एका मित्रासोबत हिरानंदानी येथील पवई सोशलमध्ये जेवणासाठी […]
मुंबई पोलीस हे जगातील दुसऱ्या क्रमांकावर का आहे याची पुष्टी करणारी घटना नुकतीच पवई परिसरात समोर आली आहे. आपले कौशल्य दाखवत पवई पोलिसांनी पोलीस प्रशासनाची प्रतिमा उंचावणारे हे काम केले आहे. त्यांच्या या कामगिरीबद्दल मुंबई पोलीस वरिष्ठ अधिकाऱ्यांसोबतच मुंबईकरांकडून सुद्धा त्यांच्या या कामाचे कौतुक होत आहे. शिक्षिका असणाऱ्या प्रियांका साळुंखे यांनी सोमवारी पवईतील हिरानंदानी भागातून […]
पोलिसांनी दोन मोटारसायकल चोरांना अटक केली असून, त्यांच्याकडून ४.५५ लाख रुपये किंमतीच्या नऊ मोटारसायकली जप्त केल्या आहेत. यातील एक मोटारसायकल या चोरट्यांनी पवई परिसरातून चोरी केली आहे. जितेश सुरेश काळुखे (२५) आणि अरुण मतांग (२४) अशी अटक करण्यात आलेल्यांची नावे आहेत, दोघेही घाटकोपरचे रहिवासी असून, पार्ट-टाईम केटरिंगचे काम करतात. त्यांच्याविरुद्ध भारतीय दंड संहितेच्या कलम ३७९ […]
रहेजा विहार येथे राहणाऱ्या ६३ वर्षीय वकिलांनी इमारतीच्या २० व्या मजल्यावरून उडी मारून आत्महत्या केल्याची घटना घडली आहे. अशोक दाजी जाधव असे आत्महत्या करणाऱ्या या व्यक्तीचे नाव असून, स्मृतीभृंश झाला असल्याने त्यांनी हे पाउल उचलले असल्याचे पोलिसांनी सांगितले. पवई पोलिसांनी दिलेल्या माहितीनुसार, रहेजा विहार येथील सिल्वर क्रेस्ट इमारतीत राहणारे जाधव हे व्यवसायाने वकील होते. कोरोना […]
पवईतील एसएम शेट्टी शाळेजवळ घडलेल्या विविध दोन अपघातात एका पादचाऱ्याचा मृत्यू झाला आहे तर दुसऱ्या घटनेत एक मोटारसायकल स्वार गंभीर जखमी झाला आहे. या संदर्भात पवई पोलिसांनी गुन्हा दाखल करत वाहनचालकांना अटक केली आहे. सलग घडत असलेल्या अपघाताच्या घटनांनी या परिसरातील नागरिक भयभीत झाले असून, या मार्गावर किमान २ ते ३ स्पीड ब्रेकर बनवण्याची मागणी […]
७ डिसेंबर रोजी पवई तलावावरील सायकल ट्रॅक प्रकल्पाचा मुद्दा भाजप खासदार मनोज कोटक यांनी लोकसभेत उपस्थित केला. बृहन्मुंबई महानगरपालिकेतर्फे बांधण्यात येत असलेल्या सायकल ट्रॅकमुळे पवई तलावातील जैवविविधतेला धोका असल्याने हा प्रकल्प लवकरात लवकर थांबवावा अशी मागणी कोटक यांनी केली. पर्यावरण तज्ज्ञांच्या समितीने यापूर्वी सायकल ट्रॅकच्या बांधकामाचे सर्वेक्षण करून हे काम तातडीने थांबविण्याची मागणी केली होती. […]
