राम मंदिराच्या उभारणीसाठी पवईमध्ये उभा केला जातोय निधी

अयोध्येतील राम मंदिराच्या उभारणीसाठी सध्या देशभरातून निधी संकलन सुरू आहे. राम मंदिराच्या उभारणीसाठी देशपातळीवर राम मंदिर तीर्थक्षेत्र ट्रस्टच्या माध्यमातून निधी गोळा केला जात आहे. सोबतच संघ परिवारातील संघटनांकडूनही निधी गोळा केला जात आहे. सर्वसामान्य व्यक्तीपासून ते मान्यवरांपर्यंत सर्वच जण यात योगदान देत असून, या पार्श्वभूमीवर पवईतील स्वयंसेवक सुद्धा पुढे सरसावले आहेत. आपल्या घरासह आपल्या परिसरात या स्वयंसेवकांतर्फे निधी जमा करण्याचे काम सुरु आहे.

पवईतील आयआयटी भागातील हनुमान रोड, आयआयटी मार्केट, चैतन्यनगर, तिरंदाज व्हिलेज भागात स्वयंसेवकांनी राम मंदिरासाठी निधी समर्पण अभियान राबवले. यात मोठ्या प्रमाणात पवईकरांनी आपला सहभाग नोंदवत निधी जमा केला.