शनिवारी चांदिवली, संघर्षनगर येथे इमारत पडण्याचे काम सुरु असताना झालेल्या दुर्घटनेत त्याच दिवशी एकाचा मृत्यू झाला होता. रविवारी रात्री ढिगाऱ्याखालून काढलेल्या अजून एक कामगाराचा मृत्यू झाला असल्याचे डॉक्टरांनी सांगितले होते. सोमवारी बचाव पथकाच्या हाती अजून दोन कामगार लागले असून, त्यांचाही या दुर्घटनेत मृत्यू झाल्याने मृतांची संख्या आता चार झाली आहे.
सोमवारी संध्याकाळी बचावकार्य सुरु असताना संध्याकाळी ८ वाजण्याच्या सुमारास मुंबई अग्निशमन दलाला ढिगाऱ्यात अडकून पडलेल्या अजून दोन व्यक्तींना काढण्यात यश आले आहे. राजावाडी रुग्णालयात नेले असता डॉक्टरांनी त्यांना मृत घोषित केले. मनोज कनोजिया (अंदाजे ३२), नसिम अख्तर अशी या दोघांची नावे आहेत.
या घटनेच्या प्राथमिक तपासानंतर साकीनाका पोलिसांनी विकासक आणि कंत्राटदार कंपनी अशा दोघांवरही भादवि कलम ३०४ ए, ३४ नुसार गुन्हा नोंद केला आहे.
No comments yet.