टाटा पॉवरच्या वीजकेंद्रातील वीजवाहिनीला आग लागल्याने बुधवारी सकाळी पवईसह पूर्व उपनगरातील विक्रोळी, विद्याविहार आणि घाटकोपर परिसरातील वीजपुरवठा काही काळासाठी खंडित झाला होता. जवळपास दोन तासाने सव्वाअकरा वाजता वीजपुरवठा पूर्ववत झाला. भर उन्हाळ्यात बत्तीगूल झाल्याने उन्हाच्या पहाऱ्यात उकाड्याने येथील नागरिक घामाघूम झाले होते.
टाटा पॉवरने दिलेल्या माहितीनुसार, बुधवारी सकाळी साळसेत येथील वीजकेंद्रातील वीजवाहिनीला शोर्टसर्किटमुळे आग लागल्यामुळे येथून वीजपुरवठा होत असलेल्या पवई, विक्रोळी, विद्याविहार, घाटकोपर येथील वीजपुरवठा खंडित झाला होता. अग्निशमन दलाच्या सहाय्याने त्याच्यावर नियंत्रण मिळवल्यानंतर सकाळी सव्वाअकरा वाजताच्या सुमारास वीज पुरवठा सुरळीत करण्यात आला.
No comments yet.