आई वडिलांनी शाळेत जावू दिले नाही म्हणून पवईतील एका भाऊ – बहिणीने बुधवारी सायकलने शाळेकडे धाव घेतली. मात्र मुले न सांगता अचानक गायब झाल्याने पालकांची चांगलीच तारांबळ उडाली. माहिती मिळताच पवई पोलिसांनी काही मिनिटातच तांत्रिक माहितीच्या साहाय्याने त्यांना शोधून काढून पालकांच्या स्वाधीन केले. राज्यातील करोना संसर्गाचे प्रमाण कमी होत असल्याने या पार्श्वभूमीवर शाळा कॉलेज सुरु […]
मुंबईत कोरोनाचा प्रसार वाढत असतानाच पवई आणि चांदिवलीत सुद्धा कोरोना बाधितांच्या संख्येत कमालीची वाढ झाली आहे. मंगळवार, २३ मार्चला एकाच दिवसात पवई आणि चांदिवली परिसरात मिळून ४९ नव्या बाधितांची नोंद पालिकेकडे झाली आहे. विशेष म्हणजे संपूर्ण वर्षभरातील या परिसरातील कोरोना बाधितांची ही सर्वांत मोठी वाढ आहे. कोरोना पॉझिटिव्ह अहवाल आलेल्या बाधितांमध्ये इमारत भागात राहणाऱ्या रहिवाशांची […]
पालिका एस विभागांतर्गत येणाऱ्या पवई परिसरात कोरोना बाधित मिळण्याचा वेग मंदावला असून, सोमवार २२ जून रोजी पवईमध्ये ३ बाधितांची नोंद झाली आहे. पवई परिसरात जून महिन्याच्या सुरुवातीपासून मध्यंतरापर्यंत मिळालेल्या बाधितांचा आकडा पाहता पवई परिसरात बाधित मिळण्याचा वेग मंदावला असल्याचे समोर येत आहे. कोरोना विषाणूंनी मुंबईवर आपली पकड घट्ट केली असून, पालिका ‘एस’ विभाग कोविड-१९च्या यादीत […]
भांडुप, विक्रोळी, कांजूरमार्ग आणि पवईचा काही भाग यांचा समावेश असलेला पालिका ‘एस’ विभाग अल्प कालावधीतच कोविड -१९ यादीत खालच्या स्थानावरून अव्वल दहामध्ये पोहचला आहे. पूर्व उपनगरातील या विभागात एकट्या गेल्या आठवड्यातच ६०० हून अधिक रुग्ण आढळले असून, मुंबईत हे आठव्या क्रमांकावर आहे. बहुतेक बाधित हे भांडूप, विक्रोळी येथील झोपडपट्टी सदृश्य भागातील असून, अपमार्केट असणाऱ्या पवईचा […]
‘अनलॉक १’ मध्ये काही दुकाने आणि व्यवसाय चालू झाली असली तरीही काही दुकानांना उघडण्यास अद्याप बंदी करण्यात आली आहे. या काळात एका बँक कर्मचाऱ्याला ऑनलाईन दारु मागवणे चांगलेच महागात पडले आहे. आपल्या क्रेडीट कार्डचे डिटेल्स दिल्यामुळे खात्यातून चोरट्यांनी ८२ हजार ५०० रुपयांची रक्कम लांबवत त्याला टोपी घातली आहे. महाराष्ट्र शासनाने काही दिवसांपूर्वीच दारु ऑनलाईन विक्रीला […]
पवईत कोरोना बाधित मिळण्याचा वेग आता हळूहळू मंदावू लागला आहे. २९ मे ते ३ जून २०२० या पाठीमागील ६ दिवसात २७ लोकांना कोरोनाचा संसर्ग झाल्याचे पालिकेकडून सांगण्यात येत आहे. शुक्रवार २९ मे रोजी ४ जणांना, शनिवार ३० मे रोजी ६ जणांना, रविवार ३१ मे रोजी ५ जणांना, सोमवार १ जून ३ जणांना, मंगळवार २ जून […]
पवई (Powai) परिसरातील कोरोना पॉझिटिव्ह बाधितांचा आकडा २७० वर पोहचला असून, पाठीमागील तीन दिवसात यात २८ बाधितांची भर पडली आहे. यात मंगळवार २६ मे रोजी ३, बुधवार २७ मे रोजी ९ तर गुरुवार २८ मे रोजी १६ कोरोना पॉझिटिव्ह (corona positive) मिळून आले आहेत. एका बाजूला पवईतील बाधितांचा कोरोनामुक्त होत रिकवरी रेट वाढत असतानाच मोठ्या […]
पवईसह मुंबईत कोरोना बाधितांचा ‘रेड झोन’ म्हणून ओळखले जाणारे पवईतील आयआयटी मार्केटजवळ असणारा महात्मा ज्योतिबा फुलेनगर परिसर आता कोरोनामुक्त होण्याच्या दिशेने वाटचाल करत आहे. पूर्वी मिळालेल्या बाधितांपैकी ८५% बाधित कोरोनामुक्त होत घरी परतले आहेत. पवईच्या विविध भागात मोठ्या प्रमाणात कोरोना बाधितांची नोंद होत असतानाच, पाठीमागील १० दिवसात फक्त ५ बाधितांची नोंद आयआयटी मार्केटजवळ असणाऱ्या फुलेनगर […]
पवईतील कोरोना बाधितांच्या संख्येने २०० बाधितांचा टप्पा पार केला आहे. सोमवार, २५ मे रोजी यात ६ बाधितांची वाढ झाली आहे. सोमवारी मिळालेल्या बाधितांमध्ये एकाच कुटुंबातील दोघे तर अगोदर मिळून आलेल्या बाधिताच्या परिवारातील व्यक्तीचा समावेश आहे. पालिकेतर्फे हे संपूर्ण परिवार सिल करण्यात आले असून, नागरिकांना सर्व मार्गदर्शक सूचना देण्यात आल्या आहेत. मुंबई भोवती कोरोनाचा विळखा दिवसेंदिवस […]
न्यूज अपडेट: रविवार २४ मे, पवईतील गणेशनगर (पंचकुटीर) येथील लेक विव्ह सोसायटीतील एका व्यक्तीला कोरोनाची लागण झाल्याचे समोर येत आहे. ते पोलीस खात्यात कार्यरत आहेत. आवर्तन पवईचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, ट्विटर, यूट्यूबवर फॉलो करू शकता.
न्यूज अपडेट: शनिवारी आयआयटी पवई समोरील भवानी टॉवरमध्ये राहणाऱ्या ६७ वर्षीय महिला कोरोना पॉझिटिव्ह असल्याचे समोर आले आहे. आवर्तन पवईचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, ट्विटर, यूट्यूबवर फॉलो करू शकता.
न्यूज अपडेट: शनिवारी पवईत १० बाधितांची नोंद. आयआयटी पवई समोरील गरिबनगर, चैतन्यनगर, हनुमान रोड, टाटा पॉवर कॉलोनी येथे कोरोना बाधितांची नोंद झाली आहे. आवर्तन पवईचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, ट्विटर, यूट्यूबवर फॉलो करू शकता.
पवई परिसरात कोरोना बाधितांचा आकडा हा वाढत चालला असून, २१ मे पर्यंत पवई परिसरात १७८ लोकांचा अहवाल कोरोना पॉझिटिव्ह आला आहे. यात ६६ महिला तर ११२ पुरुषांचा समावेश आहे. या आकड्यात सर्वात कमी मार्च महिन्यात तर सर्वात जास्त ही मे महिन्यात कोरोना बाधितांची नोंद झाली आहे. दिलासादायक बातमी म्हणजे यात रिकव्हरी रेट हा ३८% वर […]
@अविनाश हजारे – मुंबई महानगरपालिकेच्या ‘एस’ विभागांतर्गत येणाऱ्या पवई, भांडुप, विक्रोळी, कांजूरमार्ग, नाहूर या भागात आतापर्यंत ७५५ रहिवाशी कोरोना पॉझिटिव्ह आढळले आहेत. यातील १८० जण कोरोनामुक्त झाले असून, डिस्चार्ज देऊन त्यांना घरी पाठवले आहे. तर २१ लोकांचा आतापर्यंत मृत्यू झाला आहे. पालिकेच्या १८ मे रोजीच्या यादीतून ही गोष्ट उघडकीस आली आहे. पालिका एस विभागाच्या यादीनुसार […]
बृहन्मुंबई महानगरपालिका ‘एस’ विभागातील विविध क्वारंटाईन सेंटरमधील लोकांना पुरवण्यात येणारे अन्न अपूर्ण आणि निकृष्ट दर्जाचे येत असल्याच्या अनेक तक्रारी येत आहेत. मात्र रविवारी तर क्वारंटाईन सेंटरमधील या नागरिकांवर उपासमारीची वेळ आली. पवई आणि कर्वेनगर येथील इमारतींमधील क्वारंटाईन सेंटरमधील जवळपास २००० नागरिकांवर रविवारी उपाशी राहण्याची वेळ आली. संध्याकाळी ४ पर्यंत जेवण आले नसल्याने संतप्त नागरिकांनी इमारतीखाली […]
बृहन्मुंबई महानगरपालिका आरोग्य विभाग आणि मुंबई पोलीस यांच्याकडे नोंदवण्यात आलेल्या अधिकृत आकडेवारीनुसार पवईतील कोरोना पॉझिटिव्हचा आकडा सोमवार, ११ मे पर्यंत ९४ वर पोहचला आहे. बरेच दिवस चाळसदृश्य लोकवस्तीत मर्यादित राहिलेल्या कोरोना विषाणूमुळे पवईतील इमारत भागात राहणारे रहिवाशी सुद्धा बाधित झाल्याचे आता समोर येत आहे. आयआयटी मार्केटजवळ असणारा फुलेनगर कोरोना संसर्गाचा हॉटस्पॉट झाला आहे. सोमवार अखेरपर्यंत […]
पवईत कोरोना बाधित रुग्णांमध्ये दिवसेंदिवस वाढ होत असून, गुरुवार ७ मे पर्यंत पवईतील कोरोना पॉझिटिव्ह रुग्णांची संख्या ६५ वर पोहचली आहे. विशेष म्हणजे बुधवारी एका दिवसात यात ९ कोरोना बाधितांची नोंद झाली आहे. पाठीमागील काही दिवस केवळ चाळ सदृश्य लोकवस्तीतच कोरोना बाधित मिळत होते, मात्र आता इमारतीमध्ये सुद्धा कोरोना बाधित मिळून येत आहेत. पवई विहार, […]
पवईतील एसएमशेट्टी शाळेजवळ असणाऱ्या आयआयटी स्टाफ कॉर्टर्समध्ये रविवार, ३ मे रोजी अजून एका कोरोना पॉझिटिव्हची नोंद झाली आहे. पवईतील एका नामांकित रुग्णालयात तो काम करत आहे. यासोबतच येथील बाधितांची संख्या दोन झाली असून, पूर्वी पॉझिटिव्ह मिळून आलेला तरुण कोरोनामुक्त झाल्यानंतर त्याला घरी सोडण्यात आले आहे. पवईतील कोरोना बाधितांचा आकडा शनिवार, २ मे पर्यंत ४५ वर […]
सुषमा चव्हाण | संपूर्ण जग कोरोनाच्या संकटात असताना लॉकडाऊनमुळे घरी अडकून असणाऱ्या लोकांना कोरोनाची प्रत्येक अपडेट आणि बाहेरील जगातील बित्तम बातमी देणाऱ्या पत्रकारांना चेतनने आपल्या कलेतून मानवंदना दिली आहे. माध्यमांचे प्रतिनिधित्व करणाऱ्या पत्रकार आणि छायाचित्रकार यांची पोर्ट्रेट त्याने ३ मे ‘जागतिक वृत्तपत्र स्वातंत्र्य दिवस’निमित्त साकारली आहेत. ४ हजार ८६० पुश पिनचा वापर करून चेतनने ही […]
पवई परिसरातील आयआयटी मार्केटजवळ असणाऱ्या फुलेनगर भागात रविवार, ३ मे रोजी ६ नवीन कोरोना बाधितांची नोंद झाली आहे. यामुळे या परिसरातील कोरोना बाधितांचा आकडा १३ तर पवई परिसरातील कोरोना बाधितांचा आकडा ५२ झाला आहे. रविवारी मिळालेल्या बाधितांमध्ये यापूर्वी मिळालेल्या रुग्णाच्या परिवारातील सदस्यांचा सुद्धा समावेश आहे. पवई परिसरात पाठीमागील काही दिवसात कोरोना बाधितांच्या संख्येत मोठी वाढ […]
